Mary şäheriniň №5-nji orta mekdebiniň okuwçylary Mary welaýatynyň taryhy we ülkäni öwreniş muzeýine syýahata geldiler. Muzeýiň ylmy işgärleri tarapyndan okuwçylara Türkmen tebigaty barada taryhy sapak gurnaldy. Türkmen tebigaty bölüminde çagalara gyzykly gürrüňler berildi we sorag-jogaplar alyşyldy. Türkmen tebigaty bölüminde bathyz goraghanasy barada täsirli gürrüňler berildi. Ýurdumyzda tebigy baýlyklary, haýwanat we ösümlik dünýäsini goramakda örän uly işler alnyp barylýar hem-de bu barada ýörite goraghanalar döredildi. Şol goraghanalaryň biri hem Bathyz goraghanasydyr. Bathyz goraghanasy ýurdumyzyň günorta-gündogarynda Tejen we Murgap derýalarynyň aralygynda Hindiguş daglarynyň demirgazyk şahalarynyň biri bolan Paropamiz daglarynyň eteginde ýerleşýär. Rus zoology, syýahatçy M.P.Rozanow tarapyndan 1941-nji ýylyň Dekabr aýynyň 3-ne döredilýär. Goraghananyň taryhyna göz aýlasaň, uzak geçmişlere siňip, gadymy döwürde bu ýerde ilat ýaşandygyny gadymy diňler, köne galalar, hem-de birnäçe şäherleriniň galyndylary ýa-da goraghananyň çägindäki arheologik gymmatlyklar, humlar we daş gazanlar, nagyşlanan keramiki gaplar şaýatlyk edýär. Bathyz döwlet goraghanasy ösümlik we haýwanat dünýäsine gaty baýdyr. Sebitde dürli ösümlikleriň görnüşleri gabat gelýär. Bathyz goraghanasynda gabat gelýän täsin ösümlikleriň biri hem keýik okarasydyr. Göwrümi 0,5 litr bolan gamak ösümligi. Ygal ýagan wagty onuň okarasyna suw ýygnanýar. Şol suwy hem içýärler. Şonuň üçinem oňa ,,Keýik okarasy” diýýärler. Watanymyzyň şu ajaýyp künjekleriniň biri bolan özüni owadan ýazlary, gülälekli baýyrlary bilen beýhuş edýän Bathyz döwlet goraghanamyz hemme ýere meşhurdyr. Türkmen tebigaty bölüminde okuwçylar aýlanyp özlerinde uly täsir galdyrdylar. Şeýle gürrüňleriň üsti bilen okuwçylarda tebigata bolan söýgi döredilýär.