Türkmenistanyň Döwlet Energetika institutynda Medeniýet we sungat işgärleriniň güni hem-de Magtymguly Pyragynyň şygryýet güni mynasybetli aýdym-sazly çäre geçirildi. Bu çärede Mary welaýatynyň taryhy we ülkäni öwreniş muzeýiniň ylmy işgärleri tarapyndan Magtymguly Pyragynyň ömri we döredijiligine degişli birliklerden, haly önümlerinden, saý-seplerden, bedew ata degişli esbaplardan sergi gurnaldy. Çäräniň dowamynda talyplar tarapyndan ajaýyp aýdym-sazlar, tanslar şeýle-de folklor eserleri ussatlyk bilen ýerine ýetirildi. Muzeý işgärleri tarapyndan gurnalan öwüşginli sergi hem bu çärä gatnaşanlarda uly täsir galdyrdy. Berkarar döwletň täze eýýamynyň galkynyşy döwründe türkmen halkynyň her bir günleri toý-baýramlara beslenýär. Gözbaşyny müňýyllyklardan alyp gaýdýan däp-dessurlarymyz, milli toý-baýramlarymyz hem häzirki wagtda täze röwşe eýe bol-ýar. Her ýylyň iýun aýynda bellenilýän Medeniýet we sungat işgärleriniň hem-de Magtymguly Pyragynyň şygryýet güni ýurdumyzda sungatyň toýy hökmünde ulu-dan toýlanýar. Akyldar şahyrymyz Magtymguly Pyragy paýhasa eýlenen şygyrlary bilen türkmen edebiýatynyň, şygryýetiniň ösmegine, kämilleşmegine uly goşant goşan ägirtdir. Jemşidiň jamyna deňelen şahyryň şygyrlary türkmeniň diliniň senasydyr. Her ýyl ýurdumyzyň bir welaýatynda ýaýbaňlandyrylýan Medeniýet hepdeliginiň türkmen toýuna kybap guralyp, çeper döredijiligiň, sungatyň dürli görnüşleri boýunça medeni çäreler bilen sazlaşmagy, unudylmajak ýakymly pursatlary bagyşlaýar. Medeniýet hepdeliginiň uly tutumlara beslenip toýlanylmagy , medeniýet we sungat işgärlerine goýulýan çäksiz sarpanyň nyşanydyr. Milli mirasymyzy öwrenmek, halka ýetirmek, wagyz etmek üçin giň mümkinçilik-leri döredip berýän türkmen halkynyň Milli Lideri Gahryman Arkadagymyzyň, Hor-matly Prezidentimiz Arkadagly Gahryman Serdarymyzyň janlary sag, ömürleri uzak bolsun!