Türkmen tebigaty türkmeniň buýsanjy. Sebäbi bu mukaddes toprak bizi ekleýär hem saklaýar. Türkmen tebigaty diňe bir beýik daglary, gunçaly meýdanlary bilen däl, eýsem gözel haýwanat dünýäsi bilen hem dünýä bellidir. Tebigat bilen adamzadyň arasyndaky aragatnaşyk edil älem-jahan ýaly örän gadymydyr. Türkmen halky asyrlaryň dowamynda tebigata sarpa goýmak, onuň baýlyklaryny aýawly saklamak, paýhasly ulanmaklygy nesilden-nesle geçip gelipdir.Özüniň gözelligi bilen ynsana tükeniksiz ruhy lezzet berýän gözýetmez giňişlik. Seniň ähli baýlyklaryň ynsana lezzet berýär, hyzmat edýär, janyna şipa bolýar. Şonuň üçin hem bu mukaddes topragy aýap saklaýas, goraýas oňa çyn ýürekden hyzmat edýäs. Mary welaýat muzeýiniň tebigat zalynda hem bular dogrusynda giňişleýin maglumatlar aýdylýar. Muzeýimize gelen her bir myhmana Türkmenistanyň tebigaty, haýwanat we ösümlikler dünýäsiniň gözelligine göz ýetirmäge mümkinçilik döreýär. Tebigaty goramak ählihalk işidir! Öz ýaşaýan Watanyny bagy-bossanlyga öwürmek, ony aýap saklamak, goramaklyk bolsa mukaddeslikdir!