Ýaňy ýakynda Mary welaýatynyň Kemine adyndaky Döwlet drama teatrynda “ Çalsana bagşy” atly ýaş bagşylaryň bäsleşigi geçirildi. “Bagşyly il dargamaz” diýlişi ýaly bagşyçylyk sungaty öz gözbsaşyny gadymy döwürlerden alyp gaýtýar. Bu sungat nesilden nesile geçip şu günki günlere ýetip , türkmen halkynyň bagtyýar durmuşuny wasp edýän ajaýyp sungata öwrüldi. Bäsleşigiň dowamynda welaýatyň ýaş zehinli bagşylary türkmen halk aýdymlaryny we ajaýyp durmuşymyzyň ösüşlerini wasp edýän aýdymlaryny ýerine ýetirdiler. Bu bäsleşikde Mary welaýatynyň taryhy we ülkäni öwreniş muzeýiniň taryhy gymmatlyklarynyň sergisi gurnaldy. Bu sergide amaly –haşam we zergärçilik sungatynyň ajaýyp nusgalary görkezildi. Muzeý gymmatlyklary bu bäsleşige aýratyn bir öwüşgin berdi.