Mary şäher häkimliginiň garamagyndaky ,,Arkadagyň bagtyýar nesilleri ‘’ atly çagalar sagaldyş we dynç alyş merkezinde, Mary welaýat Taryhy we Ülkäni öwreniş muzeýiniň göçme sergisi gurnaldy. Bu sergide aslyny müňýyllyklardan alyp gaýdýan taryhy gymmatlyklar bolup, olar hakyndaky ylmy taryhy maglumatlar dynç alýan çagalara gürrüň berildi. Çagalar bu gymmatly taryhy maglumatlary uly gyzyklanma bilen diňlediler. Serginiň düzüminde çagalara mahsus bolan milli egin-eşikler, janjagazlar şeýle-de Türkmeniň Bedew atynyň şaý-sepleri, at esbaplary, türkmen milli gap-gaçlary, türkmen zenanynyň el hünäri bolan çaga börükleri, gyz gültahýasy hem-de haly sungatyna degişli bolan dokma gurallary we haly önümleri sergilendi. Bu gymmatlyklary çagalara görkezmek bilen ylmy maglumatlar arkaly çagalarda türkmeniň şöhratly geçmiş taryhyna buýsanç, söýgi döretmek, geçen nesillermize hormat goýmak ýaly gözel duýgylary oýarmak, Watana, Gahryman Arkadagymyza, Arkadagly Gahryman Serdaymyza söýgi hem hormat goýmak, buýsançly göwünlerini galkyndyrmak maksady bilen geçirildi. Bu göçme sergini welaýat muzeýiniň ,,Medeni aň-bilim’’bölüminiň ylmy işgärleri gurnadylar.