Mary welaýatynyň taryhy we ülkäni öwreniş muzeýinde her hepdäniň ahyrynda ylmy işgärleriň ylmy-geňeşi geçirilýär. Geňesiň dowamynda ylmy işgärleriň iş saparlaryna gidip toplan eksponatlary görkezilýär, şeýle-de ylmy temalar diňlenilýär. Geňeşde ýygnalan eksponatlara seredilýär, haýsy gazna degişlidigi seljerilýär.Geçirilen geňeşde Mary şäheriniň Muhadow ýaşaýyş jaý toplumynyň ýaşaýjylary Meredowa Maýsanyň, Sapargylyjowa Täjigözeliň hem-de Gylyçmyradow Seýitmuhammediň muzeýimize sowgat beren eksponatlary ýagny mahmal atynja, çabyt, jam börük, ýüň darak, kündük şeýle-de tara dokma guralynyň esbaby görkezildi. Türkmen zenanlary el işlerini diýseň ussatlyk bilen ýerine ýetiripdirler. Türkmen gelin-gyzlarynyň ellerinden çykan ajaýyp el işleri dünýä nusgalykdyr. Keteni matalarynyň dürli görnüşlerini, gyňaçlary tara dokma guralynda ezberlik bilen dokapdyrlar. Bu dokmaçylyk işleri häzirki döwürde hem gelin-gyzlarymyz tarapyndan dowam etdirilýär. Bu täsin sungaty döredip bilen hem-de üstünden asyrlar geçse-de, ony ösdürip, kämillik derejesine ýetiren türkmen zenanynyň yhlasyna buýsanýarsyň.