Berkarar döwletimiziň täze eýýamynyň galkynyşy döwründe Türkmenistanyň halk maslahatynyň başlygy Gahryman Arkadagymyzyň, Arkadagly Gahryman Serdarymyzyň saýasynda Türkmenistan döwletimiz tanalmaz derejede gülläp ösýär. Hormatly Prezidentimiz Serdar Berdimuhamedow biziň ýurdumyzy dünýäniň ösen döwletleri bilen aýakdaş gitmegi üçin örän uly tagallalar edýär. “Halkara parahatçylyk we ynanyşmak” ýylynda dünýäniň ösýän-özgerýän döwründe, biz muzeý işgärleri hem türkmen halkymyzyň taryhyny we taryhy ýadygärliklerini dünýä ýaýmakda arman – ýadaman zähmet çekýäris. Şol maksat bilen Mary welaýatynyň taryhy we ülkäni öwreniş muzeýiniň ylmy işgärleri bellenen meýilnamalar esasynda, muzeýiň ekspozisiýa zallary we muzeý şahamçalarynda täze maglumatlar öwrenýärler hem-de maslahat esasynda ýörite ýygnanşyp edilýän maslahat arkaly täze maglumatlary ara alyp maslahatlaşýarlar. Esasan hem halypa hünärmenler ýaş nesillere görelde mekdebi bolup durýar. Hawa hakykatdan hem ýaş nesilleriň ylmyny artdyrmakda Mary welaýat taryhy we ülkäni öwreniş muzeýinde halypa-şägirtlik ýoly dowam etdirilýär. Türkmen halkymyzyň gadymdan gelýän ýol-ýörelgelerini, medeniýetini, sungatyny, geçmiş-taryhyny has çuň we giň manyda hem-de ylmy taýdan öwrenmek we olar bardaky maglumatlary halka ýetirmek bolsa muzeý hünärmenleriniň esasy wezipesidir. Häzirki wagtda bolsa muzeýimiziň “Güljemal han” şahamçasynda ýaş ylmy işgärleriň hünär derjesini has içgin berkitmek we çuňlaşdyrmak maksady bilen söhbetdeşlik geçirildi. Söhbetdeşligiň dowamynda taryhda uly yz goýan Güljemal han barada gyzykly gürrüňler berildi. Güljemal han özüniň hanlyk eden ýyllarynda halak merhemtli hem-de örän mert zenan maşgala bolupdur. Umuman häzirki wagtda hem Mary welaýatynyň Baýramaly etrabynyň Mekan şäherçesiniň çäginde ýerleşýän Güljemal hanyň muzeýi gelýän ilaty myhmansöýerlik bilen garşy alýarlar we türkmen halkynyň taryhy barada gzykly gürrüňler berýärler. Muzeý hünärmänleri muzeý işini döwrebap drejede gurnamaklykda dürli işleri alyp barýarlar. Türkmeniň medeniýetini, taryhyny has çuňňur öwrenip halka ýetirmekde, Gahryman Arkadagymyzyň Arkadagly Gahryman Serdarymyzyň biz ýaşlara bildirýän ynamyny ödejekdigimizi ynandyrmak isleýärin. Türkmen halkyny beýik derejelere ýetirmekde uly tagallalar edýän Gahryman Arkadagymyzyň Arkadagly Gahryman Serdarymyzyň il-ýurt bähbitli Döwlet ähmiýetli tutýan tutumly işleri elmydama rowaç alsyn.