Toýlaryň toýlara, baýramlaryň – baýramlara ulaşýan, Watanymyz Halkara parahatçylyk we ynanyşmak ýlynda kalbyňy buýsanja besleýän wakalar bilen badalga aldy. Berkarar döwletimizde halkymyzyň göwün buýsanjyna öwrülen milli medeniýetimiz - sungatymyz şan-şöhraty bu gün dünýä dolýar. Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň tagallalary bilen Diýarymyzyň her bir güni toýdur-baýramlara beslenýär. Her ýylda türkmen medeniýetiniň aýrylmaz bölegi bolan keşdeçilik, halyçylyk, keçeçilik sungaty boýunça sergiler, bäsleşikler guralýar.Şol mynasybetli hem Mary welaýatynyň “Toý mekanynda” Keçe sungaty boýunça türkmen gelin-gyzlarymyzyň arasynda “Gülüň owadan” atly bäsleşik geçirildi. Bäsleşik 3 (üç) şerte baglylykda alnyp baryldy. Birinji şertinde - türkmen gelin gyzlarymyz Türkmen keçesini taýýarlamak bilen baglanşykly işleri ýerine ýetirip görkezmeli. Ikinji şerti - bolsa Zenanlar gadymy- milli keçeleri 30 minuduň dowamynda gülläp görkezmeli. Üçünji şertinde - bolsa gözellik sungaty bolan keçe bilen baglanşykly taryhy maglumatlary, yrymlary rowaýatlary, goşgudyr gazallara salyp gürrüň bermeli. Geçirilen aýdym-sazly bäsleşikde türkmen keçeleri dürli güllerde ýagny dagdan, alaja, sary içýan, gülýaýdy, goçak w.ş.m nagyşlar bilen täsin we özüne çekiji keçeler güllendi. Mary welaýatymyzyň dürli künjeginde ýaşaýan gelin-gyzlarymyzyň ene-mamalaryndan nesilden nesile geçip gelen täsin keçeçilik we gamyş dokamak sungatyny açyp görkezýän dürli keçeleri güllediler we gamyşlary dokadylar. Gahryman Arkadagymyzyň hemaýaty bilen hormatly Prezidentimiziň baştutanlygynda türkmen halkymyzyň medeniýetine we sungatyna degişli milli taryhymyza aýratyn uly sarpa goýulýar. Häzirki wagtda Gahryman Arkadagymyzyň Arkadagly Gahryman Serdarymyzyň saýasynda keçe güllemek senetçilikden sungat derejesine ýetirildi. Ene-mamalarymyz ösüp gelýän ýaş nesillerimize görelde bolýarlar. Gelin-gyzlarymyz hem şeýle ajaýyp mümkinçiliklerden peýdalanyp,Watanymyzyň ösüşine özleriniň mynasyp goşandyny goşmak üçin arman-ýadaman zähmet çekýärler. Ähli ösüş-özgerişleriň, ýetilýän belent sepgitleriniň sakasynda duran Türkmen halkynyň milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlary sag, ömürleri uzak,belent başlary aman bolsun!